Sa pulong ng Gabinete ng Hapon, pinagtibay ngayong araw ang tatlong dokumentong panseguridad na kinabibilangan ng bagong National Defense Program Guidelines (NDPG), Medium-term Defense Build-up Plan at National Security Strategy.
Itinakda ng bagong NDPG ang patakarang panseguridad sa susunod na 10 taon. At ayon sa Medium-term Defense Plan, aabot sa mga 25 trilyong Japanese Yen o 240 bilyong dolyares ang budget ng seguridad sa susunod na 5 taon. Bubuuin ang bagong grupo ng Self-Defense Forces para sa pagsasagawa ng mas "proaktibong" panseguridad na tungkulin. Palalakasin din ang kooperasyon nila ng Amerika sa intelligence. Ayon sa National Security Strategy, mahigpit na pagtutuunan ng pansin ng Hapon ang kalagayan ng Tsina sa diplomasiya at militaryat magsisikap ang Hapon para itatag ang estratehikong relasyong may mutuwal na kapakinapangan ng Hapon at Tsina para maiwasan ang di-kaaya-ayang insidente.
salin:wle