Ipinahayag kahapon ni Cheng Guoping, Pangalawang Ministrong Panlabas ng Tsina, na dadalo si Pangulong Xi Jinping ng Tsina sa Seremonya ng Pagbubukas ng 2014 Winter Olympics sa Sochi. Ito ang dalawang taong singkad na pinili niyang gawing Rusya ang unang bansa ng pagdalaw niya. Ito aniya ay pagpapakita sa mataas na lebel at katangian ng komprehensibong estratehikong partnership ng Tsina at Rusya, at pagpapakita rin sa mainam na relasyon ng dalawang lider ng Tsina at Rusya sa trabaho at kanilang mahigpit na personal na pagkakaibigan.
Isinalaysay ni Cheng na sa panahon ng pagdalo sa seremonya, magdaraos sina Pangulong Xi at Pangulong Vlładimir Putin ng bilateral na pagtatagpo. Malalim na magpapalitan sila ng palagay hinggil sa pagpapaunlad ng bilateral na relasyon ng dalawang bansa, pagpapasulong sa mga malaking pragmatikong proyektong pangkooperasyon, at mga mahalagang suliraning pandaigdig at panrehiyon.
Sinabi ni Cheng na ito ang kauna-unahang beses na pagdalo ng Pangulong Tsino sa malaking paligsahang pampalakasan sa ibayong dagat. Aniya, ipinakikita nito ang pagkatig sa isa't isa at estratehikong kooperasyon ng Tsina at Rusya sa mga mahalagang isyu. Ipinakikita rin nito ang pagpapahalaga at pagkatig ng Tsina sa International Olympic Movement.
Salin: Andrea
