Sa preskon hinggil sa pagdalo ni Pangulong Xi Jinping ng Tsina sa Seremonya ng Pagbubukas ng 2014 Olympics Winter Games sa Sochi, tinanong ng mamamahayag kung magtatagpo o hindi ang mga lider ng Tsina at Hapon dahil balak ding ni Punong Ministro Shinzo Abe ng Hapon na dumalo sa seremonyang ito.
Sinagot ni Cheng Guoping, Pangalawang Ministrong Panlabas ng Tsina, matapos na nagbigay-galang si Abe sa Yasukuni Shrine kung saan nakadambana ang mga World War II class-A criminal, buong lakas na tinutulan ito ng mga mamamayang Tsino at iba pang mga mamamayang mapagmahal sa kapayapaan. Aniya, habang hindi ganap na binabago ni Abe ang kamalian, hindi makikipag-ugnayan ang panig Tsino sa kanya sa anumang paraan.
Tungkol sa seguridad ng 2014 Olympics Winter Games, ipinahayag ni Cheng na nananalig ang kanyang bansa na may kakayahan ang Rusya sa paggarantiya sa kaligtasan ng Olympiyadang ito. Nakahanda aniya ang Tsina na panatilihin ang mahigpit na pag-uugnayan at koordinasyon sa Rusya hinggil dito.
Salin: Andrea