Ipinatalastas kahapon ni Jihad Laham, Puno ng Parliamento ng Syria ang pagwawagi ni kasalukuyang Pangulong Bashar al-Assad ng Syria sa katatapos na pambansang halalan.
Ayon sa ulat, 88.7% ng mga boto ang nakuha ni Bashar al-Assad sa halalan. Samantala, 3.2% at 4.3% naman ang nakuha nina Maher Abdul-Hafiz Hajjar at Hassan al-Nuri, dalawa pang kandidato.
Nang araw ring iyon, sa isang closed-door negotiation ng UN Security Council(UNSC), inulat ni Valerie Amos, Pangalawang Pangkalahatang Kalihim ng UN sa Makataong Suliranin, ang hinggil sa kasalukuyang kalagayan sa Syria. Sinabi niyang 3 buwan na ang nakararaan, sapul ng pagpagtibayin ng UN ang resolusyon hinggil sa relief access sa Syria, pero, sa kasalukuyan, hindi pa ito ganap na ipinapatupad. Aniya pa, 7% pa lamang ng mga sibilyan sa purok-sagupaan sa Syria ang nakakuha ng makataong tulong.