Ayon sa pinakahuling datos ng Asia Pacific Real Estate Association (APREA), nitong nakaraang tatlong taon, ang Indonesia ay nagiging ikalawang pinakamalaking pamilihan ng real estate sa Timog-silangang Asya, kasunod ng Singapore. Ang dahilan dito ay ang malagong pag-unlad ng kabuhayan at malakas na konsumong panloob ng Indonesia.
Ayon pa rin sa datos, sa kasalukuyan, umaabot sa 189 na bilyong dolyares ang kabuuang halaga ng ari-ariang lupang komersyal ng Indonesia. Noong 2012, tumaas ng 21% ang presyo ng lupa sa Indonesia at ito ay pinakamalaki sa rehiyong Asya-Pasipiko. Sa susunod na taon, nakatakdang itatag ang ASEAN Economic Community. Inaasahan itong magpapapasok ng mas maraming puhunan sa pamilihan ng real-estate ng Indonesia.
Salin: Jade