Ayon sa pahayag na ipinalabas kahapon ng Komisyon ng Unyong Europeo (EU), babawasan nito ng 30% ang konsumo ng enerhiya sa taong 2030.
Ang naturang bagong target ay makakatulong sa pagpapahupa sa pag-asa ng EU sa inaangkat na enerhiya. Bukod dito, makakalikha ito ng mga bagong pagkakataon para sa pag-unlad ng mga bahay-kalakal ng Europa at pagdaragdag ng hanap-buhay.
Tinukoy ni Guenther Oettinger, Komisyoner ng EU na namamahala sa mga suliranin ng enerhiya, na upang mapangalagaan ang kapakanan ng mga bahay-kalakal at mamimili, at kapaligiran ng Europa, kinakatigan ng EU ang pamumuhunan sa larangan ng teknolohiya ng pagtitipid ng enerhiya at pagbabawas ng emisyon.
Salin: Ernest