Isang desisyon hinggil sa paghalal sa punong ehekutibo ng Hong Kong sa pamamagitan ng universal suffrage sa 2017 ang pinagtibay nitong araw ng Linggo ng Pirmihang Lupon ng Pambansang Kongresong Bayan (NPC) ng Tsina.
Ipinahayag kahapon ang suporta sa desisyon ni Tung Chee-hwa, Unang Punong Ehekutibo ng Espesyal na Rehiyong Administratibo ng HK at Pangalawang Tagapangulo ng Pulitikal na Konsultatibong Kapulungan ng mga Mamamayang Tsino (CPPCC), punong organong tagapayo ng Tsina.
Sinabi ni Tung na noong 1997, nahalal siya ng 400-miyembrong komisyon bilang punong ehekutibo ng Hong Kong; ayon sa nasabing desisyon naman, sa 2017, mahahalal ang punong ehekutibo ng 5 milyong botanteng taga-Hong Kong.
Ipinagdiinan niyang ang prosesong ito ay may mahalagang katuturan sa demokratisasyon ng HK.
Salin: Jade