Ipinahayag kahapon ni Leung Chun Ying, Punong Ehekutibo ng Espesyal na Rehiyong Administratibo ng Hong Kong (HKSAR) na ang pangmatagalang katatagan at kasaganaan ng rehiyon ay nangangailangan ng ambag ng kabataan sa hene-henerasyon.
Winika ito ni Leung sa seremonya bilang pagdiriwang sa ika-65 anibersaryo ng pagkakatatag ng Republika ng Bayan ng Tsina at sa panunungkulan ng mga miyembro ng board ng Hong Kong United Youth Organization.
Tinukoy pa niyang sa hinaharap, ang repormang pulitikal ay isa sa mahalalagang gawain ng Hong Kong. Hiniling niya sa mga kabataan na basahin ang desisyon hinggil sa paghalal sa punong ehekutibo ng Hong Kong sa pamamagitan ng universal suffrage sa 2017 na pinagtibay kamakailan ng Pirmihang Lupon ng Pambansang Kongresong Bayan (NPC), punong lehislatura ng Tsina, para magharap ng kanilang mungkahi hinggil dito.
Salin: Jade