|
||||||||
|
||
BEIJING, Tsina—Nagtipun-tipon dito kamakailan ang mga kinatawan ng news website mula sa Tsina at sampung bansang ASEAN, para talakayin ang hinggil sa responsibilidad ng media sa pagpapasulong ng pag-uunawaan ng mga mamamayan ng dalawang panig.
Si Chay Hofileña, Direktor sa Investigative Desk at Training ng Rappler, ay lumahok sa China-ASEAN Workshop on News Website Development and Cooperation mula ika-30 ng Agosto hanggang ika-anim ng buwang ito.
Ito ang unang workshop para sa mga online journalist na inorganisa ng Ministring Panlabas ng Tsina.
Bilang reaksyon sa mga positibong elemento at mga problema sa mga ulat sa isa't isa ng mga news website ng Tsina at ASEAN, iniharap ni Liu Chang, Propesor ng Pamamahayag ng Communication University of China, ang idea ng konstruktibong pag-uulat. Ipinalagay niyang kailangang bawasan ng mga news website ng Tsina at ASEAN ang mga ulat na nagtatampok sa alitan at kaguluhan. Sa halip, iminungkahi niyang dagdagan ng mga online news organization ang mga ulat na pangkapayapaan para maihatid ang kagandahang-loob at positibong impormasyon na makakatulong sa pag-uunawaan at paglutas sa sagupaan.
Bilang tugon, sinabi ni Romeo Arca, opisyal mula sa ASEAN Sekretaryat na dahil sa layuning komersyal, may mga online media practitioner na naglalabas ng mga nakatatawag-pansing ulat sa alitan, pero, ikinabahala niyang baka maging propaganda ang mga positibong ulat o ulat na pangkapayapaan.
Ibinahagi naman ni Chen Tong, Punong Editor ng Sina.com sa mga kalahok ang hinggil sa pag-unlad at impluwensiya sa Tsina ng Sina Weibo, social media platform na tulad ng Twitter. Sinabi ni Chen na malaki ang pangangailangan ng mga netizen na Tsino sa impormasyong panlipunan, pangkultura at panturista ng mga bansang dayuhan, kaya, puwedeng ibahagi sa Weibo ng mga website na ASEAN ang impormasyon hinggil sa iba't ibang bansang ASEAN.
Tinalakay rin ng mga kalahok ang posibilidad ng itatag ang China-ASEAN website para magbahaginan ng mga ulat sa teksto, audio at video.
Narito ang mga link sa tatlong artikulo ni Chay Hofileña hinggil sa workshop.
http://www.rappler.com/world/regions/asia-pacific/68133-china-trust-deficit-asean
http://www.rappler.com/world/regions/asia-pacific/67915-china-growing-clout-new-media
http://www.rappler.com/world/regions/asia-pacific/china/68448-china-e-commerce-growth
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |