Ipinahayag ngayong araw ni Hossein Amir – Abdollahian, Pangalawang Ministrong Panlabas ng Iran na hindi lalahok ang kanyang bansa sa gagawing pandaigdigang pulong sa Pransya para labanan ang Islamic State of Iraq at Syria (ISIS). Sinabi niyang gusto ng kanyang bansang sumapi sa mga aksyong tunay na lalaban sa terorismo, sa halip na isang pagtatanghal lamang. Aniya pa, ang Iran ay isa sa mga bansang kauna-unahang nagbigay-tulong sa paglaban sa mga teroristikang organisasyon sa Iraq, at ipagpapatuloy nito ang pagbibigay-tulong sa usaping nabanggit.