Isinagawa kamakalawa ng gabi ng tropang Amerikano, kasama ng limang (5) kaalyadong bansa nitong kinabibilangan ng Saudi Arabia, United Arab Emirates (UAE), Jordan, Bahrain, at Qatar, ang kauna-unahang magkakasanib na airstrike sa maraming military target sa Islamic State (IS) sa loob ng Syria.
Sinabi kahapon ni Pangulong Barack Obama ng Estados Unidos, na hindi nag-iisa ang kanyang bansa sa paglaban sa IS. Aniya pa, kakailangan ang oras para mabigyang-dagok ang naturang organisasyon, at kakaharapinin pa ang maraming hamon. Ngunit, isasagawa ng panig Amerikano ang mga kinakailangang aksyon, dagdag niya.
Bilang tugon sa nasabing airstrike, binigyang-diin sa New York ni Pangkalahatang Kalihim Ban Ki-moon ng UN na ang lahat ng aksyon ay dapat mahigpit na tupdin ang "UN Charter," at dapat din aniyang tupdin ang pandaigdigang makataong batas.
Salin: Li Feng