Ayon sa panig militar ng Iraq, ilang sagupaan sa pagitan ng sandatahang lakas ng pamahalaang Iraqi at IS, na ikinamatay ng mahigit 140 katao mula sa dalawang panig ang naganap kahapon. Anito, ang naturang mga sagupaan ay nangyayari, pangunahin na sa bayang Fallujah at 4 na kanayunan na may 40 kilometro at 110 kilometro mula sa gawing kanluran ng Baghdad. Nang araw ring iyon, naglunsad ng mga air raid ang Amerika at Pransya sa mga lungga ng IS sa Garma.
Samantala, ipinahayag ni Pangulong Recep Tayyip Erdoğan ng Turkey ang pag-asang ilulunsad ng komunidad ng daigdig ang atakeng panlupa laban sa IS, sa halip na mga air raid lamang. Aniya, buong lakas na ipagpapatuloy ng kanyang bansa ang paglaban sa teroristikong organisasyon sa rehiyong ito.
Ipinahayag naman ni Pangulong Barack Obama ng Amerika ang mas mababang pagtaya sa puwersa at kakayahan ng IS. Binigyang-diin din niyang dapat lutasin ang kasalukuyang sagupaan sa Iraq at Syria, sa pamamagitan ng paraang pampulitika.