Sa kanyang pakikipag-usap kahapon sa Baghdad kay Michael Fallon, dumadalaw na Ministrong Pandepensa ng Britanya, inulit ni Punong Ministrong Haider al-Abad ang pagbawi ng mga lupaing sinakop ng ekstrimistang organisasyon ng Islamic State(IS). Ipinahayag naman ni Michael Fallon ang pagsasanay ng Britanya sa mga sundalong Iraqi.
Nang araw ring iyon, sa isang magkasanib na preskong idinaos pagkaraan ng pakikipag-usap sa kanyang dumadalaw na Iraqi counterpart na si Bashar Haafari, ipinahayag ni Mevlut Cavusoglu, Ministrong Panlabas ng Turkey ang pag-asang palalakasin ng pamahalaang Iraqi ang pagkakaisa sa ibat-ibang puwersang pulitikal para sa magkasamang labanan ang IS at bibigyan ng Turkey ang Iraq ng tulong sa pagsasanay sa mga armadong tauhan.
Samantala, ipinahayag kahapon sa White House ni Pangulong Barack Obama ng Amerika na ang paghahanap ng kanyang pamahalaan ng suporta mula sa Capitol Hill para bigyang-dagok ang IS ay nagsisilbing isa sa tatlong target sa kasalukuyang kooperasyon ng dalawang panig. Sinabi niyang hindi lamang kailangang ipakita ang pagkakaisang palagay sa loob ng Amerika sa isyung pagbibigay-dagok sa ekstrimismong organisasyon, kundi dapat bigyan din ng maliwanag na suporta ang mga kalahok na sundalong Amerikano sa usaping ito.