|
||||||||
|
||
Nanawagan kahapon ang Rusya sa obdyektibo, komprehensibo at nagsasariling imbestigasyon sa pagbagsak ng MH17 ng Malaysia Airlines, ayon sa UN Security Council Resolution 2166 at regulasyon ng International Civil Aviation Organization (ICAO).
Sinabi ni Alexander Lukashevich, tagapagsalita ng Ministring Panlabas ng Rusya na dahil sa ginamit ng mga bansang kanluranin ang insidenteng ito bilang pangangatwiran sa pagpapataw ng sangsyon laban sa kanyang bansa, ipinahayag ng Rusya ang nasabing kahilingan.
Noong ika-16 ng buwang ito, nangolekto ng labi ng bumagsak na eroplano ang Lupong Panseguridad ng Netherlands, organong pangungahing namamabaha sa imbestigasyon. Ang labi ay nakatakdang ipadala sa Netherlands para sa imbestigasyon.
Bumagsak ang MH17 sa dakong silangan ng Ukraine sa hanggahan ng Rusya noong ika-17 ng Hulyo habang lumilipad mula sa Amsterdam, Netherlands patungong Kuala Lumpur, Malaysia.
Namatay ang lahat ng 283 pasahero at 15 tripulanteng sakay ng eroplano. Tatlong Pinoy ang kabilang sa listahan ng mga nasawi.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |