Sa paanyaya ng panig Amerikano, tumungo sa Washington D.C kamakalawa si Liu Zhenmin, Pangalawang Ministrong Panlabas ng Tsina at nakipag-usap siya sa kanyang American counterpart na si Daniel Russel.
Sa pag-uusap, nagpalitan ng kuru-kuro ang dalawang panig hinggil sa mga suliranin ng Asya, na kinabibilangan ng patakaran ng Tsina at Amerika sa Asya, kooperasyong panrehiyon sa Asya, integrasyon panrehiyon, at iba pa.
Buong pagkakaisang ipinalalagay ng dalawang panig na ang pagpapahigpit ng maalwang pagtutulungan ng Tsina at Amerika sa Asya ang isang mahalagang bahagi sa pagtatatag ng bagong relasyon ng dalawang malaking bansa. Inaasahan din nilang palalakasin ang pagpapalitan sa usaping ito.