Sa isang mensahe sa kanyang French counterpart na si François Hollande kahapon, ipinahayag ni Pangulong Xi Jinping ng Tsina ang mahigpit na pagkondena sa naganap na teroristikong pag-atake sa Paris. Nakiramay rin siya sa pamilya ng mga biktima.
Sa kanyang mensahe, sinabi ng Pangulong Tsino na ang terorismo ay ang panlahat na kaaway ng buong sangkatauhan. Sinabi niyang tinututulan ng Tsina ang lahat ng mga teroristikong aksyon. Nakahanda aniya ang Tsina na magsikap, kasama ng Pransya at komunidad ng daigdig para pahigpitin ang pagtutulungan sa larangan ng seguridad, at pangalagaan ang kapayapaan ng daigdig at kaligtasan ng buhay ng mga mamamayan.