Sa kanyang pakikipagtagpo kahapon sa Beijing kay Pornpetch Wichitcholchai, Presidente ng National Legislative Assembly ng Thailand, sinabi ni Meng Jianzhu, Kagawad ng Pulitburo ng Komite Sentral ng Partido Komunista ng Tsina (CPC) at Kalihim ng Committee of Political and Legislative Affairs, na matibay ang pundasyong pulitikal ng relasyong Sino-Thai, at napakalaki ng potensyal ng kooperasyong may mutuwal na kapakinabangan ng dalawang bansa. Nakahanda aniya ang panig Tsino na palakasin ang pakikipagpalitan at pakikipagtulungan sa panig Thai sa mga larangang gaya ng pakikibaka laban sa droga, pagbibigay-dagok sa krimeng transnasyonal, at seguridad sa network para magkasamang harapin ang mga bagong hamon sa seguridad ng rehiyon at buong daigdig.
Ipinahayag naman ng panig Thai ang kahandaang palakasin ang pragmatikong kooperasyong Thai-Sino para mapasulong pa ang relasyon ng dalawang bansa.
Salin: Li Feng