|
||||||||
|
||
Sa preskon kahapon, sinabi ng mga opisyal ng Tianjin na 40 substances sa 7 kategorya ang inimbak sa sumabog na warehouse. Kabilang dito ay 1,300 toneladang oxide compounds na pangunahing kinabibilangan ng potassium nitrate at ammonium nitrate, 500 toneladang madaling masunog na materyales na gaya ng potassium nitrate at ammonium nitrate, at 700 toneladang labis na nakakalasong bagay kung saan ang pangunahing bagay ay sodium cyanide. Hanggang kahapon ng kahapon, 150 sa 700 toneladang sodium cyanide ang inalis mula sa sentro ng lugar ng pagsabog at ipinadala sa manufacturer para maayos na hawakan. Ang natitira naman ang sumabog.
Napag-alamang karamihan sa nasabing mga kemikal ang nadetekta sa gitna ng lugar ng pagsabog kung saan itinayo ang dike para mabawasan ang panganib ng kontaminasyon.
Samantala, patuloy pa rin ang operasyon ng paglilinis o cleanup operation.
Naganap noong ika-12 ng buwang ito ang dalawang malakas na pagsabog sa isang warehouse sa Tianjin kung saan nakaimbak ang mga delikadong kemikal.
Ayon sa pinakahuling datos, 114 katao ang namatay sa pangyayari. Samantala, libu-libong mamamayang lokal at 1,700 bahay-kalakal ang apektado.
Iniisterilisa ang mga rescuer pagkaraan ng cleanup work sa sentro ng lugar ng pagsabog. Larawang kinunan Aug. 19, 2015. (Xinhua/Wang Haobo)
Tagapagsalin/editor: Jade
Tagapagpulido: Mac
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |