Bilang tugon sa mga sinasabi kamakailan ni Ashton Carter, Kalihim ng Tanggulan ng Amerika, sinabi kahapon ni Hong Lei, Tagapagsalita ng Ministring Panlabas ng Tsina, na ang kanyang bansa ay maintainer, builder at contributor ng umiiral na sistema at kaayusang pandaigdig.
Dagdag pa niya, matatag na pinangangalagaan ng Tsina ang katatagan at kapayapaan sa rehiyong Asya-Pasipiko at buong daigdig.
Noong nagdaang Sabado, sinabi ni Carter na ang mga aksyon ng Tsina sa South China Sea ay humahamon sa pandaigdigang kaayusan. Bukod dito, sinabi rin niyang ipinadala ng Amerika ang isang aircraft carrier sa South China Sea para ipakita ang pangako ng Amerika sa pangangalaga sa malayang paglalayag sa rehiyong ito.
Sinabi ni Hong na ang kasalukuyang kaayusang pandaigdig ay itinatag sa pundasyon ng UN Charter at ang prinsipyo nito ay paggalangan ng mga bansa sa kabuuan ng teritoryo at soberanya sa isa't isa, pantay na pagtrato, at di-pakikialam sa mga suliraning panloob. Aniya pa, hindi ito ipinasiya ng Amerika batay sa sariling hangarin.
Binigyang-diin ni Hong na ang pagpasok ng mga bapor na pandigma ng Amerika sa rehiyong pandagat ng Nansha Islands ay malubhang nakapinsala sa katiwasayan at soberanya ng Tsina. Ito rin aniya ay pagpapaigting ng tensyon sa rehiyong ito.
Sinabi ni Hong na ang Nansha Islands ay nabibilang sa teritoryo ng Tsina at may kapangyarihan ang Tsina sa pagsasagawa ng konstruksyon sa rehiyong ito. Binigyang-diin ni Hong na ang mga konstruksyon ay hindi makakapinsala sa kapakanan ng anumang bansa at kalayaan ng paglalayag at pagsasahimpapawid sa rehiyong ito.
Aniya pa, palagian at buong sikap na iginigiit ng Tsina na sa pundasyon ng paggalang sa kasaysayang pangkasaysayan at batas na pandaigdig, mapayapang lulutasin ng Tsina at mga direktang kasangkot na bansa ang mga hidwaan sa pamamagitan ng talastasan at pagsasanggunian.
Nakahanda aniya ang panig Tsino na pangalagaan, kasama ng mga bansang ASEAN, ang katatagan at kapayapaan sa South China Sea.
