Sa kanyang pakikipagtagpo ngayong araw (Manila / Beijing Time) sa Paris kay Pangulong Barack Obama ng Estados Unidos, binigyang-diin ni Pangulong Xi Jinping ng Tsina na sa kasalukuyang kalagayan, dapat buong tatag na hawakan ng Tsina at Amerika ang tumpak na direksyon ng pagtatatag ng bagong relasyon ng malalaking bansa, at dapat din nilang igiit ang prinsipyo ng paggagalangan sa isa't-isa, kooperasyon, at win-win situation. Ani Xi, dapat pasulungin ng dalawang bansa ang pragmatikong pagpapalitan at pagtutulungan sa iba't-ibang lebel na kinabibilangan ng pagpapalakas ng kanilang pagkokoordinahan sa patakaran ng makro-ekonomy para mapasulong ang pagsasakatuparan ng Pulong ng Pagbabago ng Klima ng inaasahang target.
Idinagdag pa ng Pangulong Tsino na dapat magkasamang magsikap ang Tsina at Amerika para maigarantiya ang sustenable, malusog, at matatag na pag-unlad ng relasyon ng dalawang bansa, at mapangalagaan at mapasulong ang kapayapaan, katatagan, at kasaganaan ng rehiyong Asya-Pasipiko at buong daigdig.
Salin: Li Feng