Sa Hong Kong, Tsina—Idinaos dito ngayong Lunes, Disyembre 7, 2015 ang Asia Cultural Cooperation Forum sa taong 2015. Ang tema ng nasabing porum ay "Walang Hanggang Pagkatig na Panlipunan, at Walang Limitasyong Pag-unlad na Pangkultura." Nagpalitan ng kuru-kuro hinggil sa mga patakaran at hakbangin ng pagpapaunlad ng kultura ang mga namamahalang tauhan at opisyal ng mga departamentong kultural ng mga bansa at rehiyon sa Asya.
Noong 2003, itinayo ng Home Affairs Bureau ng Hong Kong ang Asia Cultural Cooperation Forum, para mapasulong ang kooperasyong kultural sa loob ng Asya, at mapalaganap ang industriyang pangkultura at pansining. Ipinauna ng tema ng kasalukuyang porum ang di-mahahalinhang papel ng iba't ibang sirkulo ng lipunan sa aspekto ng pagpapasulong ng kultura at sining.
Ipinahayag ni Luo Shugang, Ministro ng Kultura ng Tsina, na kahit maraming aspekto ang kailangang pabutihin ng mainland para itatag ang ideya at kapaligiran ng pakikisangkot ng buong lipunan sa konstruksyong pangkultura, natamo na nito ang ilang progreso.
Salin: Vera