Ayon sa resulta ng halalan na inilabas kagabi, si Tsai Ing-wen, kandidato ng Democratic Progressive Party (DPP), ang naihalal bilang bagong Punong Awtoridad ng Taiwan.
Nakuha niya ang 6.89 milyong boto na katumbas ng 56.1% ng buong bolyum ng mga boto. Ang kanyang mga kalaban na sina Eric Chu, kandidato ng Kuomintang (KMT); at James Soong, kandidato ng People First Party (PFP), ay magkahiwalay na nakakuha ng 3.81 milyong boto at 1.58 milyong boto.
Pagkatapos mailabas ang resulta ng halalan sa Taiwan, inilabas ng Departamento ng Komite Sentral ng Partido Komunista ng Tsina (CPC) sa mga gawain ng Taiwan, at Tanggapan ng Konseho ng Estado ng Tsina sa mga suliranin ng Taiwan, ang isang pahayag na nagsasabing dapat pahalagahan ng magkabilang pampang ng Taiwan Strait ang kasalukuyang magandang kalagayan sa rehiyong ito, sa pundasyon ng paggigiit ng 1992 Consensus at paglaban sa pagsasarili ng Taiwan.
Ipinahayag din ng naturang mga departamento na nakahanda silang pasulungin ang katatagan at kapayapaan ng rehiyong ito at pag-unlad ng relasyon ng magkabilang pampang ng Taiwan Strait.
Bukod dito, ipinahayag kahapon ni Hong Lei, Tagapagsalita ng Ministring Panlabas ng Tsina, na iisa lamang ang Tsina sa daigdig, at ang Mainland at Taiwan ay nabibilang sa isang Tsina. Ito aniya ay isang saligang katibayan at komong palagay ng komunidad ng daigdig.
Sinabi pa ni Hong na kahit ano ang mangyayari sa Taiwan, palagiang igigiit ng Pamahalaang Tsino ang patakarang isang Tsina at matatag na pangangalagaan ang kabuuan ng pambasang soberanya at teritoryo nito.
