Ayon sa ulat ng Kyodo News Agency ng Hapon noong Miyerkules, ika-2 ng Marso 2016, ipinatalastas noong Martes ng Embahada ng Hapon sa Biyetnam na sa pamamagitan ng pakikipagsanggunian sa Ministri ng Edukasyon at Pagsasanay ng Biyetnam, sinang-ayunan ng kapuwa panig na mula Setyembre ng taong ito, magkahiwalay na itatatag ang dalawang pilot class ng wikang Hapones sa grade-3 ng tatlong primary school sa Hanoi, kabisera ng Biyetnam. Sinabi ng naturang embahada na ang Biyetnam ay magsisilbing unang bansa sa Timog-silangang Asya na magsasagawa ng edukasyon ng wikang Hapones sa yugto ng primary education.
Ayon sa plano ng mga pamahalaan ng dalawang bansa, isasagawa ang real-time evaluation sa nasabing pilot project at unti-unting mapapalaganap ito sa mga primary school ng Biyetnam.
Sa kasalukuyan, may kurso ng wikang Hapones ang ilang high school ng Biyetnam, at halos 46 libong Biyetnamese ang nag-aaral ng wikang ito.
Salin: Vera