Sa Ika-31 Pulong ng Konseho ng Karapatang Pantao ng United Nations(UN) na idinaos kamakailan sa Geneva, Switzerland, ipinalabas, sa ngalan ng Cross-regional group ng apatnapu't anim (46) na bansa sa daigdig, ni Fu Cong, Charge D' Affaires ng Pirmihang Delegasyon ng Tsina sa UN ang komong pahayag na pinamagatang "Pagpapasulong ng Capacity Building sa Pampublikong Kalusugan Para Pasulungin ang Right to Health."
Ipinahayag ni Fu na positibo ang Tsina sa health target na binalangkas ng UN sa 2030 Agenda for Sustainable Development. Umaasa aniya ang Tsina sa komprehensibong pagtupad ng komunidad ng daigdig sa mga ito. Nananawagan din si Fu na isabalikat ng lahat bansa sa daigdig ang kani-kanilang responsibilidad sa pagpapasulong ng kalusugang pampubliko para harapin ang posibleng maganap na nakahahawang epidemiya, batay sa regulasyong pangkalusugan ng daigdig at pagpapabuti ng mekanismo ng pampublikong kalusugan. Samantala, inaasahan aniya ng Tsina na bibigyan ng tulong ng komunidad ng daigdig ang mga umuunlad na bansa, na gaya ng pondo, teknolohiya at pagsasanay sa mga manggagawang propesyonal para ligtas at mabisang magamot ang mga may-sakit, lalo na ang mga kabataan.