Hinggil sa CRIHinggil sa Serbisyo Filipino
   

World Bank at Asian Infrastructure Investment Bank, nilagdaan ang co-financing framework agreement

(GMT+08:00) 2016-04-14 13:49:53       CRI

Washington D.C.—Nilagdaan nitong Miyerkules, Abril 13, 2016 ng World Bank (WB) at Asian Infrastructure Investment Bank (AIIB) ang kauna-unahang co-financing framework agreement.

Batay sa pahayag ng WB, itinakda ng nasabing kasunduan ang co-financing parameters ng mga proyekto ng pamumuhunan ng WB at AIIB.

Ayon din sa pahayag, isang dosenang co-financed projects para sa taong ito ang tinatalakay ngayon ng dalawang bangko. May kinalaman ang mga proyekto sa transportasyon, tubig, enerhiya sa Gitnang Asya, Timog Asya at Silangang Asya.

Batay sa kasunduan, ang WB ay maghahanda at magsusuperbisa sa nasabing mga proyekto sa larangan ng procurement, environment at social safeguards.

Pinasalamatan ni Jin Liqun, Presidente ng AIIB ang mapagbigay at napapanahong suporta ng World Bank sa pasimulang yugto ng operasyon ng AIIB. Inaasahan aniya ng AIIB ang pangmatagalang kooperasyon sa WB sa co-financing at iba pang larangan.

Sinabi naman ni World Bank President Jim Yong Kim na ang paglagda sa kasunduan ay unang hakbang ng pakikipagtulungan sa AIIB bilang bagong partner, at ito aniya ay para matugunan ang napakalaking pangangailangang pang-imprastruktura ng buong daigdig.

Ayon sa World Bank, humigit-kumulang 1.2 bilyong tao sa daigdig ang walang access sa koryente at 2.4 bilyong tao ang walang saligang sanitation services.

Sa 2016, binabalak ng AIIB na aprubahan ang mga 1.2 bilyong U.S. dollar na financing at malaking bahagi nito ay para sa magkasanib na proyekto ng WB.

Itinatag ang AIIB noong 2015. Ang Pilipinas ay isa sa 57 bansang tagapagtatag ng bangkong ito.

World Bank President Jim Yong Kim (kanan) at Asian Infrastructure Investment Bank (AIIB) President Jin Liqun na nagkakamayan makaraang lagdaan ang unang co-financing framework agreement ng dalawang bangko, sa punong himpilan ng World Bank sa Washington D.C., United States, April 13, 2016. (Xinhua/Yin Bogu)

Tagapagsalin/Tagapag-edit: Jade
Tagapagpulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>