Upang maakit ang mga turistang Tsino, inanyayahan kamakailan ng Tourism Authority of Thailand at Air Asia, ang delegasyon ng mass media ng Guangxi, Tsina sa Hanthaburi, Rayong at mga lugar sa silangang Thailand.
Ipinahayag ng namamahalang tauhan ng tanggapan ng Tourism Authority of Thailand sa Kunming na malaki ang pamilihang Tsino. Bukod aniya sa pag-anyaya sa mga ahensiyang panturismo at mass media ng Tsinan a maglakbay-suri sa Thailand, isinasagawa pa ng kanyang tanggapan ang iba't ibang hakbangin para mapaganda ang pagtanggap ng Thailand sa mga turistang Tsino.
Samantala, bibigyan din aniya ng patnubay ng Tourism Authority of Thailand ang sirkulong panturismo ng bansa upang magbukas ng wechat account, weibo account at dagdagan ang impormasyong panturismo sa wikang Tsino sa kanilang mga website.
Mula Enero hanggang Setyembre ng taong ito, lumaki nang mahigit 19% ang bilang ng mga turistang Tsino na pumunta sa Thailand kumpara sa gayon ding panahon ng tinalikdang taon.