Pagtatanim ng Kawayan at Rattan para sa Sustenableng Pag-unlad, idinaos sa Embahada ng Pilipinas sa Beijing

Anang embahador Pilipino, si Cobunpue ay isang negosyante ng mga kagamitang pambahay sa Cebu, at ito ang negosyong minana niya mula sa kanyang mga magulang, pero dahil sa kagustuhan niyang magkaroon ng ibang produkto, inumpisahan niyang magdisenyo ng mga modernong kagamitan sa bahay, gamit ang rattan.

Dagdag ni Sta. Romana, nakilala ang mga produkto ni Cobunpue sa buong mundo dahil sa kalidad at ganda ng mga ito, at sa katunayan, bumili ng kamang gawa ni Cobunpue ang sikat na aktor sa Hollywood na si Brad Pitt.

Dahil dito, ani Sta. Romana, lalong nakilala sa ibayong dagat, partikular sa mga artista ng Holywood ang mga produkto ni Cobunpue.

Dr. Hans Friederich, Direktor Heneral ng INBAR

Sa kanya namang talumpati sa pagtititpon, sinabi ni Dr. Hans Friederich, Direktor Heneral ng International Bamboo and Rattan Organization (INBAR), na ang kawayan at rattan ay mga katangi-tanging halaman, dahil ang mga ito ay magagamit sa humigit-kumulang sa 10,000 ibat-ibang paraan.

Aniya, ang mga ito ay may kakayahang gumawa ng oportunidad sa trabaho, restorasyon ng lupa, muling pagpapausbong ng kagubatan, at potensyal na panggagalingan ng malinis at muling magagamit na enerhiya.

Kaya, dapat aniyang paunlarin ng Timog-silangang Asya ang paggamit ng mga halamang ito, na kilala rin sa tawag na "berdeng ginto."

Wang Chunfeng, Pangalawang Direktor Heneral ng Department of International Cooperation ng State Forestry Administration ng Tsina

Ayon naman kay Wang Chunfeng, Pangalawang Direktor Heneral ng Department of International Cooperation ng State Forestry Administration ng Tsina, mahalaga ang kawayan at rattan sa pag-abot ng mga sustenableng target ng Tsina.

"Ang kawayan at rattan ay mga berde, mababang karbon, recyclable, at madaling mai-angkop na natural na yaman, at ang mga ito ay magagamit sa paglaban sa pagbabago ng klima, pagkasira ng lupa, at iba pang mga hamon; kaya't napakahalaga ng pagsusulong at pagpapaunlad ng sustenableng paggamit ng mga ito," aniya.

Mga dumalo sa aktibidad ng Bamboo and Rattan for Sustainable Development in South East Asia

Dumalo sa naturang pagtitipon ang mga embahador at diplomata mula sa Association of Southeast Asian Nations (ASEAN), mga opisyal ng INBAR, mga opisyal ng State Forestry Administration ng Tsina, mga meida, at mga kaibigang Tsino.

Ang nasabing aktibidad ay magkasamang inorganisa ng Emabahada ng Pilipinas sa Beijing at INBAR, sa suporta at pagtataguyod ng Department of International Cooperation ng State Forestry Administration ng Tsina at ASEAN-China Center.

Ulat/Larawan: Rhio

Edit: Jade

Web-editor: Vera