Hinggil sa CRIHinggil sa Serbisyo Filipino
   

AIIB, dapat maging plataporma para sa pagtutulungan ng Tsina at Amerika

(GMT+08:00) 2017-04-25 16:04:37       CRI
Sinabi kahapon, Lunes, ika-24 ng Abril 2017, sa Washington DC, ni Jin Liqun, Presidente ng Asian Infrastructure Investment Bank (AIIB), na ang bangkong ito ay dapat maging plataporma para sa pagtutulungan ng Tsina at Amerika, sa halip na lugar kung saan may pagkakaiba ang dalawang bansa.

Winika ito ni Jin sa kanyang talumpati sa Atlantic Council, isang think tank ng Amerika. Sinabi niyang sa simula pa lang nang iniharap ng Tsina ang mungkahi hinggil sa pagtatatag ng AIIB, may pagdududa na ang Amerika sa layon at takbo ng bangkong ito. Pero aniya, sa pamamagitan ng maraming pakikipag-ugnayan sa iba't ibang sirkulo ng Amerika nitong ilang taong nakalipas, napagtanto sa bandang huli ng panig Amerikano, na ang AIIB ay isang multilateral development bank na nagpopokus sa pamumuhunan sa imprastruktura, at hindi ito pinamumunuan ng Tsina.

Dagdag ni Jin, sa kanyang biyaheng ito sa Amerika, nakipag-usap siya sa mga opisyal ng administrasyon ni Pangulong Donald Trump, at tinalakay nila kung paanong isasakatuparan ng mga bahay-kalakal na Amerikano at AIIB ang win-win result sa pamamagitan ng kooperasyon.

Isiniwalat din ni Jin, na sa kasalukuyan, hindi pa malinaw ang hangarin ng pamahalaang Amerikano sa paglahok sa AIIB. Pero, nakahanda aniya ang AIIB na makipagkooperasyon sa panig Amerikano hinggil sa isyung ito.

Salin: Liu Kai
Pulido: Mac
Web editor: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>