Hinggil sa CRIHinggil sa Serbisyo Filipino
   

Presidente ng AIIB: palalawakin ang pandaigdig na kooperasyon para sa konstruksyon ng imprastruktura

(GMT+08:00) 2017-06-18 18:19:52       CRI
Ipininid kahapon, Sabado, ika-17 ng Hunyo 2017, sa Jeju, Timog Korea, ang ika-2 taunang pulong ng Board of Governors ng Asian Infrastructure Investment Bank (AIIB).

Sa preskong idinaos sa panahon ng pulong, ipinangako ni Jin Liqun, Presidente ng AIIB, na palalawakin ng bangkong ito ang pandaigdig na kooperasyon para sa konstruksyon ng imprastruktura.

Sinabi ni Jin, na mahalaga ang kooperasyon ng iba't ibang bansa para sa paglutas ng mga isyung may kinalaman sa imprastruktura. Ito aniya ang dahilan kung bakit sumapi sa AIIB ang maraming bansa.

Dagdag niya, sapul nang itatag ang AIIB, inaprobahan nito ang 2.57 bilyong Dolyares na pautang sa 16 na proyekto sa 9 na bansa. Aniya, ang kalidad, pagiging sustenable, at epekto sa lipunan at kabuhayan, ay laging mga mahalagang elementong isinasaalang-alang ng AIIB para sa pag-aaproba sa mga proyekto.

Sa nabanggit namang pulong, ipinahayag ni Xiao Jie, Ministrong Pinansyal ng Tsina, na bilang bansang nagharap ng mungkahi hinggil sa pagtatatag ng AIIB, lubos na pinahahalagahan ng panig Tsino ang takbo ng bangkong ito. Marubdob din aniya ang pag-asa ng mga kasapi sa pag-unlad ng AIIB sa hinaharap. Umaasa aniya ang Tsina, na patuloy na magbibigay ng bagong lakas ang AIIB sa pagpapasulong ng sustenableng pag-unlad ng imprastruktura at konektibidad.

Sa isa pang may kinalamang ulat, inaprobahan ng kasalukuyang pulong ang pagsapi ng Argentina, Madagascar at Tonga sa AIIB. Sa gayon, umabot sa 80 ang kabuuang bilang ng mga kasapi ng bangkong ito.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>