Nakipagtagpo Sabado, Hulyo 1, 2017 sa Hong Kong si Pangulong Xi Jinpnig ng Tsina kay Carrie Lam, bagong Punong Ehekutibo ng Espesyal na Rehiyong Administratibo ng Hong Kong (HKSAR).
Ipinaabot ni Xi ang pagbati kay Lam sa panunungkulan niya bilang bagong Punong Ehekutibo ng Hong Kong. Sinabi ni Xi na buong sikap na kakatigan ng pamahalaang Tsino ang mga gawain ng bagong pamahalaan ng Hong Kong batay sa Konstitusyon ng Tsina at Saligang Batas ng Hong Kong.
Bukod dito, sinabi ni Xi na umaasa siyang mapapasulong ng bagong pamahalaan ng Hong Kong ang pag-unlad ng kabuhayang lokal, pagbuti ng pamumuhay ng mga residenteng lokal at pananatili ng katatagan at kasaganaan ng lokalidad.
Ipinahayag naman ni Lam na buong sikap na sasamantalahin ang mga bentahe ng Hong Kong at malaking pagkatig ng pamahalaang Tsino para buong husay na isakatuparan ang kanyang mga tungkulin sa darating na limang taon.
Bukod kay Carrie Lam, nakipagtagpo rin si Xi sa mga bagong namamahalang tauhan ng organong administratibo, lehislatura, at hudisyal ng HKSAR.