Idinaos kagabi, Agosto 27, sa Tianjin ang seremonya ng pagbubukas ng Ika-13 National Games ng Tsina.
Dumalo sa seremonya ng pagbubukas sina Pangulong Xi Jinping ng Tsina, Thomas Bach, Presidente ng International Olympic Committee (IOC), at Ahmed Al-Fahad Al-Ahmed Al-Sabah, Presidente ng Olympic Council of Asia (OCA).
Nakatakdang matapos ang kasalukuyang national games sa Setyembre 8. Sa susunod ng 12 araw, mahigit 10 libong manlalaro ang maglalaban sa 33 paligsahan, at sa kauna-unahang pagkakataon, ang square dance, roller skating, dragon boat racing at iba pang 16 na paligsahang pampubliko ay inilakip sa national games.
Sa kanyang talumpati, lubos na tiniyak ni Pangulong Xi ang paglakip sa mga pang-araw-araw na sports sa national games. Binigyan-diin din niyang dapat gawing priyoridad ang mga mamamayan sa pagsusulong ng palakasan upang ibayo pang makatugon sa kanilang kahilingan sa pagpapataas ng lebel ng kalusugan.