BINANATAN ng human rights group na Karapatan ang pamahalaang Duterte sa pagtanggi sa kompirmasyon ni Rafael "Ka Paeng" Mariano bilang Secretary of Agrarian Reform.
Sa isang pahayag, sinabi ni Jigs Clamor, deputy secretary general ng Karapatan, na unti-unting inaalis ni Pangulong Duterte ang mga tapat, may kakayahan at progresibong ehekutibo. Ang natitira umano ay pawang mga mandarambong, militarists at neoliberal fanatics.
Nakita na naman ang pakikipag-alyansa sa mga malalaking panginoong maylupa at mga naghaharing uri. Isang hakbang ito upang hadlangan ang tunay na repormang agraryo.