Ipininid kamakalawa, Huwebes, ika-9 ng Nobyembre 2017, sa Da Nang, Biyetnam, ang ika-29 na Pulong na Ministeryal ng Asia-Pacific Economic Cooperation (APEC).
Ayon sa magkakasanib na pahayag ng pulong, binigyang-diin ng mga kalahok na opisyal, na dapat patuloy na pasulungin ang konstruksyon ng Asia-Pacific Free Trade Area.
Sinabi naman ni Zhang Shaogang, Puno ng International Department ng Ministri ng Komersyo ng Tsina, na malalimang tinalakay ng mga kalahok ang apat na pangunahing paksa, na gaya ng rehiyonal na integrasyong pangkabuhayan, inklusibong pag-unlad, inobasyon ng mga maliit at katamtamang laking bahay-kalakal, at food security. Aniya, sa aspekto ng kabuhayan at kalakalan, ipinalabas ng pulong ang signal hinggil sa pagkatig ng APEC sa multilateral na sistemang pangkalakalan, at muling binigyang-halaga ang kalayaan at kaginhawahan ng kalakalan at pamumuhunan.
Salin: Liu Kai