Noong ika-27 ng Nobyembre, 2017, sa pagdalaw ni Liu Yandong, Pangalawang Premiyer ng Tsina sa Association of Southeast Asian Nations (ASEAN) Secretariat sa Jakarta, Indonesya, kinatagpo siya ni Le Luong-Minh, Pangkalahatang Kalihim ng ASEAN Secretariat, at mga pirmihang kinatawan ng iba't ibang bansa sa ASEAN Secretariat.
Ipinahayag ni Liu na sa mga partnership ng ASEAN at ibang panig, masasabing ang relasyon ng Tsina at ASEAN ay pinakamasigla at may pinakamayamang nilalaman. Ang Tsina ay nagsisilbing pinakamalaking partner ng kalakalan ng ASEAN sa loob ng magkakasunod na 8 taon, at ang ASEAN ay nagiging ika-3 pinakamalaking partner sa kalakalan nitong nakalipas na 6 taon.
Aniya pa, laging binibigyan ang ASEAN ng priyoridad ng pagpapaunlad ng mapagkaibigang relasyon ng Tsina sa rehiyong nakapaligid dito, at masusing rehiyon ng magkakasamang pagsasagawa ng "Belt and Road" Initiative. Malakas na kumakatig ang Tsina sa pagtatag ng komunidad ng ASEAN, at nukleong katayuan ng ASEAN sa kooperasyong panrehiyon.
Sinabi ni Le na nitong ilang taong nakalipas, walang humpay na lumalawak at lumalalim ang estratehikong partnership ng Tsina at ASEAN. Ito aniya ang nagpapasulong ng pag-unlad ng isa't isa, at nagbibigay ng mahalagang papel sa kapayapaan at katatagan ng rehiyon. Pinasalamatan ng ASEAN ang Tsina na laging kumakatig sa pagtatatag ng Komunidad ng ASEAN. Umaasa aniya siyang ibayo pang pahihigpitin ang pragmatikong kooperasyon ng dalawang panig sa iba't ibang larangan.
salin:Lele