Ayon sa ulat ngayong araw, Martes, ika-19 ng Disyembre 2017, ng Ministring Pinansyal ng Tsina, sa taong ito, narating ng Tsina at Asian Development Bank (ADB) ang pagkakasundo hinggil sa pagkakaloob ng bangkong ito ng 1.98 bilyong Dolyares na pautang sa bansa. Ang bilang na ito ay pinakamataas na rekord sa kasaysayan.
Ayon pa rin sa naturang ministri, ang mga pautang ng ADB ay pumupunta, pangunahin na, sa usapin ng komprehensibong pagpapalalim ng reporma ng Tsina, at tatlong malaking proyekto ng bansa, na gaya ng Belt and Road, koordinadong pagpapaunlad ng Beijing-Tianjing-Heibei, at economic belt sa Yangtze River. Sa taong ito, patuloy na lumalaki ang bilang ng mga pautang ng ADB sa Tsina, at mabunga ang kooperasyon ng dalawang panig, dagdag pa ng naturang ministri.
Salin: Liu Kai