Lunes, Disyembre 18, 2017, sinimulang itatag ang proyekto ng daambakal sa pagitan ng Fangchenggang at Dongxing ng Rehiyong Awtonomo ng Guangxi ng Tsina. Ang nasabing daambakal ay pangunahing tsanel ng Tsina sa mga bansa ng Timog-silangang Asya. Pagkaraang itatag, makakatulong ito sa pagpapataas ng lebel ng konektibidad ng Tsina at mga bansa ng Association of Southeast Asian Nations (ASEAN).
Ang nasabing daambakal ay may habang 47.6 kilometro, at tatagal ng 3 taon ang konstruksyon.
Nasa baybayin ng Beibu Bay ng Guangxi ang Fangchenggang City. Ito ang siyang tanging lunsod sa Tsina na may kaugnayang pandagat, panlupa at pantubig sa ASEAN, at mahalagang mahalaga ang bentaheng heograpikal nito sa pagpapalalim ng estratehikong kooperasyon ng Tsina at ASEAN.
Salin: Vera