Idinaos kagabi, Biyernes, ika-12 ng Enero 2018, sa Beijing, ng Ministring Panlabas ng Tsina ang New Year Reception para sa mga dayuhang mamamahayag na nakatalaga sa Tsina.
Sinabi sa resepsyon ni Qin Gang, Asistenteng Ministrong Panlabas ng Tsina, na sa bagong taong ito, batay sa pangkalahatang planong pangkaunlaran na iniharap sa Ika-19 na Pambansang Kongreso ng Partido Komunista ng Tsina, ibayo pang pasusulungin ng Tsina ang iba't ibang usaping pang-estado, at palalalimin ang reporma at pagbubukas sa labas. Patuloy rin aniyang palalakasin ng Tsina ang pakikipagtulungan at pakikipag-ugnayan sa iba't ibang bansa, para pasulungin ang pangmatagalang kapayapaan, panlahat na katiwasayan, komong kasaganaan, pagbubukas, at magandang ekolohiya ng daigdig.
Ipinahayag din ni Qin ang pag-asang, igigiit ng mga dayuhang mamamahayag na nakatalaga sa Tsina ang makatarungan at obdiyektibong atityud, para patuloy na saksihan ang pag-unlad ng Tsina sa makabagong panahon, at kahalagahan ng pag-unlad ng Tsina sa buong daigdig.
Salin: Liu Kai