Hinggil sa CRIHinggil sa Serbisyo Filipino
   

Bagong Embahador ng Tsina sa ASEAN: patuloy na pasulungin ang relasyon at kooperasyong Sino-ASEAN

(GMT+08:00) 2018-02-06 15:34:40       CRI
Ipinalabas kamakailan ni Huang Xilian, bagong Embahador ng Tsina sa Association of Southeast Asian Nations (ASEAN), ang artikulo sa pahayagang Lianhe Zaobao ng Singapore.

Pahayag ni Huang, na lubos ang kasiyahan ng Tsina sa nakikitang pag-unlad ng ASEAN, at nananalig itong ipagpatuloy ng ASEAN ang himala sa pag-unlad.

Dagdag ni Huang, sa mula't mula pa'y itinuturing ng Tsina ang ASEAN bilang priyoridad ng diplomasya sa nakapaligid na rehiyon, at pangunahing katuwang sa kooperasyon sa ilalim ng Belt and Road Initiative. Nagsisikap din aniya ang Tsina, para itatag ang mas mahigpit na "community of shared future" ng dalawang panig.

Sinabi ni Huang, na ang taong ito ay ika-15 anibersaryo ng pagkakatatag ng Tsina at ASEAN ng estratehikong partnership, at nagkakaroon ang dalawang panig ng mas maraming pagkakataon at mas malawak na espasyo para sa kooperasyon.

Ayon kay Huang, noong Nobyembre ng 2017, sa dialogue meeting ng mga lider ng Asia-Pacific Economic Cooperation at ASEAN, iniharap ni Pangulong Xi Jinping ng Tsina, na itatag ang estratehikong partnership ng Tsina at ASEAN sa mas mataas na antas. Noong buwan ding iyon, sa Summit ng ASEAN at Tsina, iniharap din ni Premyer Li Keqiang, na buuin ang "3 plus X" na bagong balangkas na pangkooperasyon ng dalawang panig. Nananalig si Huang na, sa pamamagitan ng pagpapatupad ng naturang mga mungkahi, magiging mas masigla at masagana ang kooperasyong Sino-ASEAN.

Ipinahayag din ni Huang, na dapat patuloy na palakasin ng Tsina at ASEAN ang pagtitiwalaan sa pulitika at seguridad, pasulungin ang pag-uugnayan ng kani-kanilang mga estratehiyang pangkaunlaran, pahigpitin ang kooperasyong pangkabuhayan at pangkalakalan, at pataasin ang lebel ng pagpapalitan ng mga mamamayan.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>