Hinggil sa CRIHinggil sa Serbisyo Filipino
   

Pangulo ng Tsina, nakipagtagpo sa sugo ng Pangulo ng Timog Korea

(GMT+08:00) 2018-03-13 09:13:57       CRI

Beijing-Kinatagpo Marso 12, 2018 ni Pangulong Xi Jinping ng Tsina si Chung Eui-yong, sugo ni Pangulong Moon Jae-in ng Timog Korea.

Sa pagtatagpo, tinukoy ni Pangulong Xi na bilang kapitbansa ng Peninsula ng Korea, kinakatigan ng Tsina ang pagpapabuti ng relasyon ng Hilaga at Timog Korea para pasulungin ang rekonsilyasyon ng peninsula, at ang gagawing diyalogo ng Amerika at Hilagang Korea para maayos na hawakan ang kani-kanilang pagkabahala. Positibo aniya ang Tsina sa pagsasakatuparan ng walang nuklear na Peninsula ng Korea. Positibo rin aniya ang Tsina sa pagsisikap ng Timog Korea para mapahupa ang kalagayan ng peninsula.

Ipinahayag ng Pangulong Tsino na nakahanda ang Tsina na magsikap, kasama ng Timog Korea at komunidad ng daigdig para pasulungin ang paglutas sa isyu ng Peninsula ng Korea sa pamamagitan ng paraang pulitikal. Kinakatigan aniya ng Tsina ang prinsipyong "double track" sa usaping ito.

Iniabot naman ni Chung ang pagbati sa Pangulong Tsino mula sa kanyang pangulo. Binanggit din niya ang pagdalaw sa Tsina ni Pangulong Moon noong 2017. Nakahanda aniya ang Timog Korea na magsikap, kasama ng Tsina para pasulungin ang pagtutulungan ng dalawang panig. Aniya, sa kasalukuyan, gumaganap ang Tsina ng konstruktibong papel sa pagpapabuti ng kalagayan sa Peninsula ng Korea. Umaasa aniya siyang ipagpapatuloy ng Tsina ang positibong papel sa usaping ito.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>