Ipinahayag unang araw ng Agosto, 2018 ni Geng Shuang, Tagapagsalita ng Ministring Panlabas ng Tsina, na nananatiling mahigpit ang pagpapalitan ng Tsina at Amerika sa isyu ng Peninsula ng Korea.
Winika ito ni Geng bilang tugon sa pahayag kamakailan ng Amerika hinggil sa umano'y paghadlang ng Tsina sa paglutas ng nasabing isyu.
Ani Geng, maliwanag ang paninindigan ng Tsina sa isyu ng Peninsula ng Korea. Nagsisikap aniya ang Tsina para lutasin ang isyung ito sa paraang pulitikal, at katanggap-tanggap ito para sa komunidad ng daigdig. Umaasa aniya siyang magsisikap ang mga may-kinalamang panig, kasama ng Tsina para pasulungin ang paglutas sa isyu ng peninsula sa pamamagitan ng paraang pulitikal, at pagsasakatuparan ng denuklearisasyon dito, sa lalong madaling panahon.