Inihatid Agosto 16, 2018 sa Bangkok, Thailand ang 101 modelong e6 na electric vehicles na yari ng kumpanya ng BYD, isa sa mga malaking bahaykalakal ng sasakyang de-motor ng Tsina.
Sa seremonya ng pagtanggap, ipinahayag ni Sanit Promwong, Puno ng Kagawaran ng Transportasyong Panlupa ng Thailand na ito ay isa sa mga hakbang ng pamahalaan sa pangangasiwa sa polusyong dulot ng sasakyang de-motor.
Ayon sa ulat, ang nasabing mga electric cars ay gagamitin para sa operasyon ng mga taksi sa Bangkok.
Nang araw ring iyon, nilagdaan din ng dalawang panig ang kasunduan hinggil sa pag-aangkat ng 1000 katulad na kotse.