Hinggil sa CRIHinggil sa Serbisyo Filipino
   

White paper ng Tsina, ipinaliliwanag ang alitang pangkabuhayan at pangkalakalan sa Amerika

(GMT+08:00) 2018-09-24 19:32:21       CRI

Ipinalabas Lunes, Setyembre 24, 2018, ng Tanggapan ng Impormasyon ng Konseho ng Estado ng Tsina ang white paper ng "Katotohanan at Posisyon ng Panig Tsino Tungkol sa Alitang Pangkabuhayan at Pangkalakalan ng Tsina at Amerika." Dito, inilahad ang substansya ng kooperasyong pangkabuhayan at pangkalakalan na may mutuwal na kapakinabangan ng Tsina at Amerika, ipinaliwanag ang di-totoong batikos ng "Section 301 Investigation" ng Amerika laban sa Tsina, at inihalad ang patakaran at posisyon ng Tsina sa alitang pangkabuhayan at pangkalakalan ng dalawang bansa.

Sa kabila ng maraming pagtutol, lalong pinaigting ng pamahalaang Amerikano ang digmaang pangkalakalan, bagay na nagdudulot ng mas malaking di-paborableng epekto sa pag-ahon ng kabuhayang pandaigdig. Sa kalagayang ito, ang nasabing white paper ay nakakatulong sa obdiyektibo at malinaw na pagkaalam ng komunidad ng daigdig sa katotohanan ng alitang pangkabuhayan at pangkalakalan ng Tsina at Amerika, at sa mungkahi at paninindigan ng panig Tsino para sa pagpapalalim ng pagtitiwalaan, pagpapasulong ng kooperasyon, at pagkontrol sa alitan ng dalawang bansa. Ito'y napapanahon at kinakailangan.

Sa naturang white paper, inilabas ang mga impormasyon sa tatlong aspekto.

Una, ipinaliwanag nito ang katotohanan ng relasyong pangkabuhayan at pangkalakalan ng Tsina at Amerika. Inaanalisa rin nito ang proteksyonismong pangkalakalan at economic hegemonism ng Amerika at mga idinudulot na negatibong epekto ng mga ito.

Ikalawa, ipinaliwanag ng white paper ang posisyon ng Tsina sa isyung pangkabuhayan at pangkalakalan ng Tsina at Amerika, at ang paninindigan ng Tsina sa relasyong pandaigdig. Nitong kalahating taong nakalipas sapul nang ilunsad ng Amerika ang alitang pangkalakalan sa Tsina, malinaw, palagian, at matatag ang posisyon ng Tsina. Sa white paper, inilahad nito ang walong paninindigan ng Tsina tungkol sa alitang pangkabuhayan at pangkalakalan ng dalawang panig na kinabibilangan ng buong tatag na pangangalaga ng Tsina sa dignidad at nukleong kapakanan ng bansa, buong tatag na pagpapasulong ng malusog na pag-unlad ng Tsina at Amerika, buong tatag na pagpapasulong ng reporma upang mapabuti ang multilateral na sistemang pangkalakalan, buong tatag na pangangalaga sa karapatan ng pagmamay-ari ng likhang-isip (IPR), buong tatag na pangangalaga sa lehitimong karapatan at kapakanan ng mga dayuhang mangangalakal sa Tsina, buong tatag na pagpapalalim ng reporma at pagbubukas sa labas, buong tatag na pagpapasulong ng pakikipagkooperasyong may mutuwal na kapakinabangan sa mga maunlad at umuunlad na bansa, at buong tatag na pagpapasulong ng pagtatatag ng Komunidad ng Komong Kapalaran ng Sangkatauhan. Nakikita rito na ang naturang walong patakaran at posisyon ng panig Tsino ay hindi lamang batay sa isyung pangkabuhayan at pangkalakalan ng Tsina at Amerika, kundi isinasa-alang-alang din dito ang malusog na pag-unlad ng relasyong pandaigdig. Ipinakikita rito ang responsibilidad ng Tsina bilang isang malaking bansa.

Ikatlo, iniharap sa white paper ang kalutasan sa nasabing alitang pangkabuhayan at pangkalakalan. Tinukoy nito na ang relasyong pangkabuhayan at pangkalakalan ng Tsina at Amerika ay may kaugnayan hindi lamang sa kapakanan ng mga mamamayan ng dalawang bansa, kundi maging sa kapayapaan, kasaganaan, at katatagan ng buong daigdig. Para sa dalawang bansa, ang kooperasyon ay siyang tanging tumpak na pagpili para malutas ang isyung ito.

Salin: Li Feng

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>