Hinggil sa CRIHinggil sa Serbisyo Filipino
   

Wang Yi at Teodoro Locsin Jr., nag-usap

(GMT+08:00) 2018-10-30 11:30:37       CRI

Nag-usap kahapon sa Davao sina Wang Yi, Kasangguni ng Estado at Ministrong Panlabas ng Tsina at Teodoro Locsin Jr., Kalihim ng Ugnayang Panlabas ng Pilipinas.

Sinabi ni Wang na, ang Tsina at Pilipinas ay matagal nang magkaibigan at magkapit-bansa. Aniya pa, palagiang naggagalangan at kumakatig ang dalawang bansa sa isa't isa. Dapat ipagpatuloy ang ganitong tradisyon. Ani Wang, nitong 2 taong nakalipas, naitatag nina Pangulong Xi Jinping at Pangulong Rodrigo Duterte ang matibay na pagtitiwalaan at pagkakaibigan, at sa patnubay nila, nalutas ang mga sigalot sa relasyon ng dalawang bansa, at sumusulong ito sa direksyong angkop sa interes ng kani-kanilang mga mamamayan. Sinabi pa niyang, ang Tsina at Pilipinas ay mga bagong-sibol na ekonomiya at umuunlad na bansa, at nakahanda ang Tsina na isagawa ang kooperasyon sa Pilipinas sa lahat ng aspekto, habang patuloy at tumpak na kinokontrol ang pagkakaiba, pinapanatili ang kapayapaan at katatagan sa South China Sea, at nagbibigay ng ambag sa komong kaunlaran at kasaganaan ng rehiyong ito. Aniya pa, kasunod ng paglipas ng panahon, malalaman ng mga mamamayang Pilipino na ang Tsina ay ang pinaka-matagal at pinakamapagkakatiwalaang partner ng Pilipinas.

Ipinahayag naman ni Locsin, na ang Pilipinas at Tsina ay tunay na magkatuwang at magkaibigan. Mula noong 2016, nagsimula aniyang bumuti ang relasyon ng dalawang bansa. Tatlong bese aniyang nakabisita si Pangulong Duterte sa Tsina at taos-pusong inaasahan ng panig Pilipino ang histrorikal na pagbisita ni Pangulong Xi sa Pilipinas. Buong lakas na naghahanda ang iba't ibang departamento ng Pilipinas para maigarantiya ang malaking tagumpay ng bisita at makapag-bigay ng bagong puwersa at kasiglahan sa relasyon ng Tsina at Pilipinas, aniya pa.

Ulat: Sissi
Larawan: Sissi, Xinhua, MFA
Pulido: Rhio
Web editor: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>