Hinggil sa CRIHinggil sa Serbisyo Filipino
   

Konsulada ng Tsina sa Davao, binuksan

(GMT+08:00) 2018-10-29 15:48:21       CRI

DAVAO—Binuksan Linggo, Oktubre 28, 2018, ang Konsulada ng Tsina sa Davao. Dumalo sa seremonya ng pagbubukas sina Wang Yi, Kasangguni ng Estado at Ministrong Panlabas ng Tsina; Teodoro Locsin Jr., Kalihim ng Kagawaran ng Ugnayang Panlabas (DFA); at Bernard Al-ag, Bise Mayor ng Davao.

Sa kanyang talumpati, ipinahayag ni Wang na ang pagtatayo ng konsulada sa Davao ay di-maiiwasang pagpili dahil sa walang humpay na pag-unlad ng relasyon ng Tsina at Pilipinas, at ito ay aktuwal na pangangailangan ng komprehensibong kooperasyon ng dalawang bansa. Aniya, ang Tsina at Pilipinas ay magkaibigang kapitbansang may mahabang kasaysayan, at natamo rin ang komprehensibong pagpapabuti sa relasyon ng dalawang bansa sapul nang manungkulan si Rodrigo Duterte bilang pangulo ng Pilipinas. Mabilis na umuunlad ang pagpapalitan at kooperasyon ng iba't ibang lugar ng dalawang bansa, at ang Davao ay modelo sa mga ito, dagdag niya.

Sinabi ni Wang na dapat nating patingkarin ang diwa ng "Bayanihan," at magkasamang pasulungin ang walang tigil na pagpapalalim ng relasyong pangkooperasyon ng dalawang panig.

Ipinahayag naman ni Kalihim Teodoro Locsin Jr. ang pagbati sa pagbubukas ng konsulada ng Tsina sa Davao. Aniya, mabilis ang progreso ng kooperasyon ng dalawang bansa sa iba't ibang larangan sapul nang bumalik sa tamang landas ang relasyon ng dalawang bansa. Ang Pilipinas at Tsina ay matagal nang magkaibigan, dagdag niya; at nitong ilang dekadang nakalipas, natamo ng Tsina ang malaking bunga ng pag-unlad. Umaasa aniyang Pilipinas na mapapahigpit pa ang kooperasyon sa Tsina. Ang hinaharap ng dalawang panig ay tiyak na patuloy pang gaganda, ani Locsin.

Samantala, sa ngalan ni Sara Duterte-Carpio, Mayor ng Davao, nagtalumpati si Bise Mayor Bernard Al-ag, at sinabi niyang ang pagtatayo ng nasabing konsulada ay isang milestone sa relasyon ng Pilipinas at Tsina. Ito ay tiyak na lilikha ng mas maraming pagkakataon ng kooperasyon at pagpapalitan para sa komong kasaganaan, diin niya.

Reporter: Ernest/Sissi

Salin:Lele

Larawan:Sissi

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>