Sa panayam kamakailan sa China Radio International kaugnay ng gagawing biyahe ni Pangulong Xi Jinping ng Tsina sa Papua New Guinea, sinabi ni Xue Bing, Embahador ng Tsina sa naturang bansa, na ang pagsasagawa ng dalaw-pang-estado sa Papua New Guinea, pakikipagtagpo sa mga lider ng 8 pulong bansa sa Pasipiko, at pagdalo sa Ika-26 na Di-pormal na Pulong ng mga Lider ng Asia Pacific Economic Cooperation (APEC) ay tatlong pangunahing nilalaman sa biyaheng ito.
Dagdag ni Xue, sa pamamagitan ng mga aktibidad na ito, mapapalakas ang relasyon at kooperasyon ng Tsina at mga pulong bansa sa Pasipiko na kinabibilangan ng Papua New Guinea, at mararating din ang mga mahalagang komong palagay sa iba't ibang suliranin sa rehiyon ng Asya-Pasipiko.
Salin: Liu Kai