Sinabi kamakailan ni Justin Tkatchenko, Ministro ng Papua New Guinea na namamahala sa mga suliranin ng Asia Pacific Economic Cooperation (APEC), na handang-handa na ang iba't ibang gawain para sa APEC Leaders' Week, na gaganapin mula ika-12 hanggang ika-18 ng buwang ito, sa Port Moresby, kabisera ng bansang ito.
Ani Tkatchenko, gagawin ng pamahalaan ng Papua New Guinea ang lahat ng pagsisikap, para maging ligtas at matagumpay ang aktibidad na ito.
Aminado rin si Tkatchenko, na ang akomodasyon, transportasyon, at seguridad ay mga pangunahing hamon sa paghahanda para sa kasalukuyang APEC Leaders' Week. Pero aniya, nalutas na ang mga problemang ito, sa pamamagitan ng sariling pagsisikap ng pamahalaan ng Papua New Guinea, at tulong ng mga ibang bansa, na kinabibilangan ng Tsina.
Salin: Liu Kai