Ngayong araw, Disyembre 13, 2018 ay ika-5 National Public Memorial Day ng Nanjing Massacre. Sa araw na ito, sinimulang pormal na isagawa ang mga regulasyon ng paggarantiya sa pambansang pagdambana ng Nanjing. Ito ang unang regulasyong lokal sa Tsina hinggil sa pambansang pagdambana. Malinaw na inilakip sa mga regulasyon ang pagbibigay-tulong sa pamumuhay ng mga natitirang buhay na biktima ng Nanjing Massacre, at komprehensibong pangangasiwa sa mga pinagdarausan ng pagdambanang pampubliko.
Layon ng pagpapalabas ng nasabing regulasyon na mas mabisang igarantiya ang maayos at maalwang pagdaraos ng aktibidad ng pambansang pagdambana at ibang aktibidad bilang paggunita sa okasyong ito.
Salin: Vera