Idinaos kamakailan ang Pambansang Pulong ng mga Gawain ng Kanayunan ng Tsina, at nagpokus ito sa mga tungkulin hinggil sa agrikultura, kanayunan at mga magsasaka. Ayon sa mga opisyal at dalubhasa na binigyan-diin sa pulong ang pagpapa-una ng Tsina sa pagpapaunlad ng agrikultura at kanayunan, at pagharap ng bagong kahilingan sa reporma at pag-unlad ng kanayunan, batay sa pagbabago ng kapaligiran sa loob at labas ng bansa.
Iniharap din sa nasabing pulong na dapat palalimin ng Tsina ang pagsasagawa ng estratehiya ng pag-ahon ng kanayunan, at ang pagpawi ng karalitaan. Ang mga ito ay saligang tungkulin para sa komprehensibong pagsasakatuparan ng target ng pagtatayo ng lipunang may kaginhawahang lipunan ng Tsina, ayon pa sa pulong.
Tungkol dito, iniharap ni Hang Changfu, Ministro ng Agrikultura at Kanayunan ng Tsina ang mga priyoridad para sa pagpawi ng karalitaan sa 2019.
Aniya, dapat pasulungin ang pagbibigay-tulong sa mahihirap sa pamamagitan ng pagpapaunlad ng mga may kinalamang industriya, gawing pokus ang mga pinakamahirap na rehiyon at populasyon, paunlarin ang bagong ekonomiya.
Ayon sa plano ng nasabing pulong, ang iba pang mga tungkulin ay kinabibilangan ng pagpapabuti ng kapaligiran ng pamumuhay ng kanayunan, garantiya ng mabisang pagkakaloob ng butil at pangunahing produktong agrikultural, ibayo pang pagpapalalim ng reporma ng sistema ng lupa, at pagpapalakas ng konstruksyon ng imprastruktura sa kanayunan.
Salin:Lele
