Hinggil sa CRIHinggil sa Serbisyo Filipino
   

(Video) Makasaysayang paglapag sa far side ng buwan ng Chang'e-4 probe, isinagawa ng Tsina

(GMT+08:00) 2019-01-04 15:09:36       CRI

Mapapanood sa video na ito ang paglapag sa far side ng buwan ng Chang'e-4 probe.

Alas-10:26 ng umaga, nitong Huwebes, Enero 3, Beijing/Manila Time, naisagawa ng Chang'e-4 lunar probe ng Tsina ang soft landing sa far side ng buwan. Bunga nito, ang Chang'e-4 ang naging kauna-unahang spacecraft na lumapag sa di-naaabot na bahagi ng buwan, at ang Tsina ay nagsisilbing kauna-unahang bansa sa daigdig na may spacecraft na lumapag kapuwa sa near side, bahagi ng buwang nakikita sa mundo at far side, bahagi ng buwang di nakikita sa mundo. Noong 2013, dumating ng near side ng buwan ang Chang'e-3 lunar probe ng Tsina.

Makaraang mag-soft-land, sa tulong ng relay satellite na Queqiao (Tulay-Magpie), ipinadala ng probe ang kauna-unahang close-up na larawang kuha mula sa far side ng buwan.

Inilunsad ng Tsina ang Chang'e-4 lunar probe na binubuo ng isang lander at isang rover, noong Disyembre 8, 2018, sa pamamagitan ng Long March-3B rocket, sa Xichang Satellite Launch Center, lalawigang Sichuan sa dakong timog-kanluran ng Tsina.

Upang mapasulong ang pakikipagtulungang pandaigdig sa programa ng paggagalugad sa buwan, sa mga misyon ng Chang'e 4, isinagawa ng Tsina ang apat na scientific payload na idinebelop ng mga siyentista mula sa Netherlands, Alemanya, Sweden at Saudi Arabia.

Ang programa ng Chang'e-4 na sinimulan noong Enero ng 2016 ay binubuo ng dalawang pangunahing misyon ng paglulunsad ng relay satellite at lunar probe. Noong Mayo 21, 2018, inilunsad ng Tsina ang relay satellite na tinaguriang Queqiao sa nakatakdang orbita at nananatiling maayos ang kalagayan nito.

Salin: Jade
Pulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>