Nang sagutin niya ang mga tanong hinggil sa isinasagawang kooperasyon ng Tsina at Brazil, ipinahayag Enero 3, 2019 ni Lu Kang, Tagapagsalita ng Ministring Panlabas ng Tsina, na bilang malaking umuusbong na ekonomiya sa daigdig, maliwanag para sa Brazil kung ano ang interes na makakabuti sa bansa, at hindi na kailangang magsalita ang ibang bansa hinggil dito.
Ayon sa ulat, sa pakikipag-usap kamakailan kay Ministrong Panlabas Ernesto Araujo ng Brazil, ipinahayag ni Mike Pompeo, Kalihim ng Estado ng Amerika, na nagsisikap ang Estados Unidos para bigyan ng mas pantay at maliwanag na pagkakataong pangkooperasyong may mutuwal na kapakinabangan ang Brazil, sa halip na pamumuhunan mula sa ibang bansa na may layuning pampulitika.